Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, bu ilin iyul ayında hər iki brendin bu göstəriciləri eyni olub, lakin oktyabrda "iPhone” istifadəçilərinin sayı 8,97 milyon, "Windows Mobile” istifadəçilərinin sayı 7,13 milyon nəfər təşkil edib.

 

 

İstifadəçi sayında fərq ‘iPhone 3G”dən daha sürətli prosessor, kamera və rəqəmli kompasın olması ilə fərqlənən "iPhone 3GS” modelinin buraxılmasından sonra artmağa başlayıb.

 

 

ABŞ-da istifadəçilərin sayına görə birinci yerdə "Research In Motion” (RIM) şirkəti qalır. "comScore”un təqdim etdiyi hesabatda qeyd olunur ki, ABŞ əhalisinin təxminən 15 milyonu "RIM BlackBerry” smartfonlarından istifadə edir. Ştatlarda "Palm Pre” telefonlarına isə 2,48 milyon istifadəçi üstünlük verir (4-cü yer). ‘Nokia”nın "Symbian” əməliyyat platforması ənənəvi olaraq ABŞ-da populyar deyil. Ondan cəmi 1,3 milyon nəfər istifadə edir. 6-cı yerdə olan "Android” smartfonlarına üstünlük verənlərin sayı 1,02 milyon təşkil edir.