73 il suda qaldıqdan sonra ötən ilin yayında çıxarılaraq qismən təmir edilən 1925-ci il istehsalı "Bugatti Brescia” (Bugatti Type 13) Parisdə "Retromobil 2010” sərgisində rekord qiymətə satılıb.

Lent.az-ın "ATS”-ə istinadən xəbərinə görə, avtomobilin təqribən 90 min avroya satılacağı ehtimal edilsə də, holland əsilli alıcı ona 260 500 avro ödəməyə tərəddüd etməyib. Avtomobilin Kaliforniyada şəxsi muzeydə saxlanması nəzərdə tutulur. Avtomobili alan "bəxtəvər” onu bərpa etmək niyyətindədir.