Qız 1 ayda 14528 SMS göndərib
Ayın sonunda evə 440 səhifəlik ödəmə qəbzi gəlib
ABŞ-ın Kaliforniya ştatında 13 yaşında bir qız mobil telefonundan 1 ayda 14528 mesaj göndərib.
Məlumata görə, Greg Hardesty adlı şəxs evinə gələn 440 səhifəlik telefon ödəniş qəbzini görəndə dəhşətə gəlib. Telefon şirkətinin səhvə yol verdiyini düşünən Greg Hardesty qəbzdəki rəqəmləri hesablama maşını ilə hesablayıb. Hesablama nəticəsində məlum olub ki, həmin şəxsin 13 yaşlı qızı Reina ötən ay gündə 484 SMS göndərib. Belə çıxır ki, yeniyetmə qız 2 dəqiqədə bir mesaj yazıb. Qızının hərəkətindən təəccüblənən ata onun mobil telefondan istifadəsini qadağan edib.
“Əgər ayda 30 dollar sabit ödəmə ilə limitsiz SMS göndərmək tarifinə qoşulmasaydıq, ötən ay üçün 2905 dollar (1 mesaj = 20 sent) ödəməli olacaqdıq”, - deyə ata bildirib.
Fikirlərinizi bildirməyi unutmayın!
