Avropa Yayım Şurası bu il Moskvada keçiriləcək 54-cü “Eurovision-2009” mahnı müsabiqəsində təmsil olunacaq ölkələrin siyahısını müəyyənləşdirib.
Fox.az-ın Rusiyanın birinci kanalının istinadən məlumatına görə, müsabiqədə 43 ölkə iştirak edəcək. Həmin ölkələr Albaniya, Andorra, Ermənistan, Böyük Britaniya, Azərbaycan, Belarus, Belçika, Bosniya və Herseqovina , Bolqarıstan, Xorvatiya, Kipr, Çexiya, Danimarka, Estoniya, Finlandiya, Makedoniya, Gürcüstan, Macarıstan, Yunanıstan, Gürcüstan, İslandiya, İspaniya, İrlandiya, İsrail, Litva, Malta, Moldova, Çernoqoriya, Hollandiya, Almaniya, Norveç, Polşa, Portuqaliya, Rusiya, Rumıniya, Serbiya, Slovakiya, Sloveniya, Fransa, İsveç, İsveçrə, Türkiyə və Ukraynadır.
Yarımfinallar mayın 12-də və 14-də , final isə 16-da keçiriləcək. Hər iki yarımfinalda 19 iştirakçı təmsil olunacaq və on finalçı müəyyənləşəcək. Böyük dördlük - Fransa, Almaniya, İspaniya, Böyük Britaniya və yarışmanın ötən ilki qalibi Rusiya müsabiqəyə birbaşa qatılacaq. Latviya maliyyə böhran ilə bağlı müsabiqədə iştirak edə bilməyəcək.
Fikirlərinizi bildirməyi unutmayın!
|
